У Эрытрэі, якую ў асяроддзі хрысціянскіх супольнасцей называюць «Паўночнай Карэяй Афрыкі», у цяперашні час больш за 1 тыс. хрысціян адбываюць у турмах і лагерах розныя тэрміны зняволення — ад некалькіх месяцаў да больш за 10 гадоў. Тым, хто былі затрыманы ненадоўга, забаронены ўдзел у сходах незарэгістраваных рэлігійных супольнасцяў.

Паводле інфармацыі Asmarino Independent, самая высокая колькасць арыштаў за апошнія 10 гадоў учынена ў гарадах Барэнту — на захадзе, Азікала — на поўдні і Декэмхарэ, недалёка ад сталіцы Асмэры. Большая частка пераследаў выпадае на членаў пяцідзясятніцкіх і іншых нэапратэстанцкіх супольнасцяў. Пасля выхаду на волю хрысціяне вырашаюць уцячы з краіны, баючыся паўторных арыштаў.

У індэксе пераследаў 2014 арганізацыі «Open Doors» Эрытрэя займае 12-ае месца. Годам раней яна ўваходзіла ў дзясятку краін з найбольш суровымі ганеннямі на хрысціян. Па меншай меры. 105 хрысціянаў былі арыштаваныя тут у 2012 г. 31 хрысціянін памёр у турме, паводле інфармацыі World Watch List.