17 ліпеня ў выніку абстрэлу ў небе над Данбасам пацярпеў крушэнне самалёт «малайзійскіх авіяліній». 298 чалавек загінула. Патрыярх Кіеўскі і ўсёй Русі-Украіны Філарэт выказаў спачуванні родным і блізкім ахвяр трагедыі і заклікаў да малітвы.

«У той час, калі сусветная супольнасць разам з Украінай спрабуе зрабіць усё магчымае для спынення кровапраліцця на Данбасе, з расійскага боку не спыняецца паток матэрыяльнай, фінансавай, інфармацыйнай, ідэалагічнай падтрымкі агрэсіі, засылаюцца найміты і вайскоўцы, цяжкая зброя, вядзецца абстрэл пазіцый украінскіх войскаў непасрэдна з расійскай тэрыторыі»,— дадаў у сваім звароце Патрыярх Філарэт.

Паводле risu.org.ua,(AYU)