З 7 па 9 лістапада ў Санкт-Пецярбургу адбудзецца Усерасійскі каталіцкі кангрэс «Ad gentes: пра нязменную актуальнасць  місіянерскага задання Касцёла» пад дэвізам «Ідзіце па ўсім свеце і абвяшчайце Евангелле» (Мк 16, 15).

У лістападзе 1965 года айцы Сабора прынялі Дэкрэт пра місіянерскую дзейнасць Касцёла Ad gentes, а праз 25 год св. Ян Павел ІІ апублікаваў місіянерскую Энцыкліку Redemptoris missio. Тэму абвяшчэння Евангелля ў сучасным свеце развівае і Папа Францішак у сваёй Апостальскай адгартацыі Evangelii gaudium, у якой ён заклікае ўсе супольнасці «вырушыць па шляху пастырскага і місіянерскага звароту, якое патрабуе змяніць сучасныя абставіны» (EG25).

Адна з мэтаў кангрэса — глыбей вывучыць місіянерскую прыроду Касцёла і абавязкі, якія з яе вынікаюць, улічваючы кантэкст служэння Каталіцкага Касцёла ў Расіі.