Ва Украіне прапанавалі вызначыць дату сумеснай малітвы напярэдадні выбараў

07.10.2014 18:46

Старшыня Вярхоўнай Рады Аляксандр Турчынаў на сустрэчы з прадстаўнікамі Усеўкраінскай Рады Цэркваў і рэлігійных арганізацый звярнуўся з прапановай вызначыць напярэдадні парламенцкіх выбараў дату правядзення сумеснай малітвы за Украіну. Па яго перакананні, правядзенне такога мерапрыемства будзе падтрымана ўсімі галінамі ўлады,  Прэзідэнт Украіны разам з Урадам і Парламентам падтрымаюць гэтую ініцыятыву. Аляксандр Турчынаў таксама выказаў надзею, што наступны Парламент стане «тым магутным падмуркам дзяржаўнасці і абароны інтарэсаў Украіны, які будзе прымаць рашэнні, што забяспечваюць рух у Еўропу, рух наперад па шляху, які благаслаўляе Бог», паведамляецца на афіцыйным сайце Вярхоўнай Рады Украіны. Паводле risu.org.ua, (AYU)