Чэмпіянат Еўропы сярод святароў па міні-футболе пройдзе ў Вене 23-27 лютага. Фаварытам турніру лічыцца Польшча, якая сёлета будзе абараняць заваяваны летась у Беларусі тытул.

У ліку верагодных кандыдатаў на перамогу таксама Боснія, Партугалія і Харватыя. Замагацца за месца ў тройцы будзе і каманда з Беларусі.

Як паведамляе нямецкая рэдакцыя Ватыканскага радыё, у спаборніцтве прымуць удзел 220 святароў з 16 краін, у тым ліку і Беларусі, а таксама Казахстана і Албаніі, дзе католікі не з’яўляюцца рэлігійнай большасцю.

Каманда Польшчы — фаварыт чэмпіянату

Упершыню Чэмпіянат Еўропы сярод святароў па міні-футболе прайшоў у 2004 годзе ў Айзенштаце. Мэта спаборніцтваў — у спрыянні міжкультурнаму абмену паміж прадстаўнікамі розных царкоўных традыцый.

На леташнім чэмпіянаце, які праходзіў у беларускім горадзе Лідзе, Беларусь заняла ганаровае чацвёртае месца.

Падрыхтаваў Ілья Лапато
фота Вікторыі Мішкура