Як інфармуе каталіцкае інфармацыйнае агенцтва, нядаўна скончылася летняя пілігрымка супольнасці, якая мела на мэце рэкламную кампанію кансэкраванага жыцця.

Назва руху сімвалічна нагадвае пра ірландскую традыцыю, якая бачыць у ружах сімвал жаночай прыгажосці. Гісторыя стварэння гэтай групы звязана з Міжнародным Эўхарыстычным Кангрэсам у Дубліне ў 2012 годзе і аб’яўленне Папам Францішкам бягучага года Годам кансэкраванага жыцця.

Дзяўчаты з гэтай суполкі апошнія два месяцы падарожнічалі па ўсёй Ірландыі, арганізоўваючы сустрэчы і набажэнствы ў розных жаночых кляштарах. Молячыся разам з манахінямі розных харызматаў, яны хацелі паказаць прыгажосць дарогі за Хрыстом. Члены супольнасці вераць, што ў Ірландыі зможа зноў абудзіцца прага да кансэкраванага жыцця, якое перажыў і св. Патрык, які ў V стагоддзі пачаў распаўсюджваць Евангелле сярод кельтаў-паганаў.

 

Пасля заканчэння духоўнага турнэ дзяўчаты будуць працягваць сваю місію падчас малітоўных чуванняў, якія праходзяць штомесяц пад назвай «Новая песня для Пана».

 

(ils)