«Біскуп Хуондар атрымаў ананімны ліст з пагрозамі, у які была ўкладзена таксама пісталетная куля», — праінфармаваў прэс-сакратар дыяцэзіі Джузэпэ Гарсія. Аднак ад заяў у паліцыю дыяцэзія адмовілася. Паводле слоў біскупа, за тых, хто даслаў яму пагрозы, ён будзе маліцца.

Пачалося ўсё з даклада, з якім біскуп Хуондар выступіў 31 ліпеня ў нямецкім горадзе Фульда. У сваім дакладзе іерарх прывёў цытату з кнігі Левіта са Старога Запавету, дзе гаварылася пра тое, што сексуальныя дзеянні паміж людзьмі аднолькавага полу параўнальныя са «зверскімі дзеяннямі», якія «караюцца смерцю». 

 

 

Пасля гэтага здарэння біскуп папрасіў прабачэння «ва ўсіх людзей», якія «адчулі сябе пакрыўджанымі» праз яго выказванні адносна тэмы гомасексуальнасці.

Даклад іерарха, прысвечаны шлюбу, сям’і і сексуальнасці, быў з аднаго боку непрадуманым, пра гэта біскуп сказаў мясцовай газеце «Blick». Сёння, як адзначае іерарх, ён каментаваў бы гэты момант больш разборліва і «ўвесь свой даклад даў бы прачытаць камусьці іншаму».