Натоўп агрэсіўных прыхільнікаў абортаў абодвух палоў спрабаваў апаганіць катэдральны касцёл у горадзе Мар-дэль-Плата.

Паўаголеныя фемінісцкія актывісты з надпісамі «У мяне быў аборт» і «Я абіраю» 11 кастрычніка падыйшлі да касцёла. Яны крычалі «Касцёл — смецце, вы — дыктатура» і кідалі камні і бутэлькі ў веруючых, якія маліліся перад касцёлам.

Пагромшчыкаў спыніла толькі паліцыя, якая выкарыстала слёзатачывы газ і гумовыя кулі.

Марцін Патрыта, прэзідэнт антыабортнай арганізацыі ArgentinosAlerta, адзначыў, што ў першы раз паліцыя прыняла ўдзел у абароне касцёла ад нападаў прыхільнікаў абортаў.

Патрыта заўважыў, што на жаночай канферэнцыі, якая ў гэтыя дні праходзіла ў горадзе, заўсёды праводзяцца вельмі карысныя для абароны правоў жанчын майстэрні.

Катэдральны касцёл у горадзе Мар-дэль-Плата.

«Аднак феміністкі маніпулююць гэтым, і калі мерапрыемства заканчваецца, праводзяць вялікі марш, на якім галоўны лозунг — аборты без абмежаванняў», — кажа ён.

Такія людзі бегаюць паўсюль з размовамі пра правы чалавека, аднак адмаўляюць іншым у праве на свабоду веравызнання.

«Гэта нагадвае нам пра «Ісламскую Дзяржаву», якая таксама не церпіць хрысціян», — дадаў Марцін Патрыта.

Такія напады прыхільнікаў абортаў на касцёлы не першы раз адбываюцца ў Аргентыне. У лістападзе 2013 года каталіцкія мужчыны і маладыя хлопцы мірна, з песнямі і малітвамі, абаранялі касцёл у горадзе Сан-Хуан супраць агрэсіўнага натоўпу, які пляваў у іх, паліваў іх фарбай і нават фізічна атакаваў іх.

Відэа падзеяў 2013 года.

Аляксандр Гелагаеў паводле catholicnewsagency.com