Два гады працягваецца падрыхтоўка да шлюбу ў парафіі Газо на Мальце. Пасля шлюбу сужэнцы могуць у бліжэйшыя пяць гадоў атрымліваць духоўную фармацыю.

Аўтарам гэтага новаўвядзення з’яўляецца мясцовы біскуп Марка Грэч.

У інтэрв’ю французскай штотыднёвай газеты «La Vie» глава Канферэнцыі Каталіцкіх Біскупаў Мальты заўважыў, што ў двухгадовай падрыхтоўцы да шлюбу ўдзельнічае 93 працэнты пар. Яе праводзяць свецкія людзі, а святар выконвае толькі дапаможную функцыю.

«У апошні час у перадшлюбнай падрыхтоўцы ўдзельнічае ўсё менш і менш пар, у той час як у першыя гады сямейнага жыцця паміж сужэнцамі з’яўляецца больш за ўсё праблем», – заўважыў біскуп Грэч.

«Многія пары, якія ўдзельнічаюць у праграме, далі ёй станоўчую ацэнку. Спачатку яны прыходзяць неахвотна, а потым паступова становяцца зацікаўленымі. Потым пары прыходзяць да нас і дзякуюць.

Той факт, што ў класы прыходзіць 90 працэнтаў, намінальна з’яўляецца істотным», – дадае іерарх.

Біскуп адзначае, што Касцёл павінен змяніць спосаб кантакту з грамадскасцю.

– На мой погляд, больш важна працаваць з асобнымі людзьмі, арганізацыямі, чым з калектывам. Касцёл не можа быць бюро па пытаннях этыкі, якім быў на працягу доўгага часу. Нашым сэнсам існавання з’яўляецца Езус Хрыстус. Яго прыгажосць павінна нас прыцягваць, – падкрэсліў ардынарый Газо.

еKAI.pl (MV)