Парламент Ірака адхіліў прапанаваную Касцёлам папраўку да закона аб рэлігійнай прыналежнасці дзяцей.

У цяперашні час закон прадугледжвае, што, калі нават толькі адзін з бацькоў вызнае іслам, то дзеці аўтаматычна становяцца мусульманамі.

Папраўка прадугледжвае, што непаўналетнія застаюцца ў сваёй веры, пакуль не дасягнуць паўналецця, і толькі затым могуць прыняць рашэнне, якую рэлігію выбраць.

Праект паправак падтрымаў 51 дэпутат, а адхіліла 137.

Перад галасаваннем арцыбіскуп Халдэйскай Каталіцкай Царквы Луіс Рафаэль Сако накіраваў прэзідэнту Ірака ліст, у якім заявіў, што цяперашні закон не адпавядае Канстытуцыі, якая гарантуе абарону асобы ад усіх формаў прымусу – інтэлектуальных, палітычных і рэлігійных. Іерарх таксама дадаў, што паважае змену рэлігіі пры ўмове, што гэта не з’яўляецца вынікам прымусу.

Паводле Deon.pl (MV)