Прымас Чэхіі, Мітрапаліт Пражскі кардынал Дамінік Дука востра выказаўся аб тых, хто ўчыніў серыю тэрактаў у Парыжы. Па словах іерарха, тым, хто крычаў «Алах акбар!», трэба памятаць, што Бог з’яўляецца і справядлівым.

Чэшскі «Каталіцкі штотыднёвік» апублікаваў у сваім профілі ў Facebook каментарый Мітрапаліта Пражскага наконт падзей, якія здарыліся ў сталіцы Францыі 13 лістапада. Кардынал Дамінік Дука напісаў: «Падзеі ў Парыжы напаўняюць мяне смуткам, я малюся за ахвяр. Тыя, хто крычаў “Алах акбар!”, значыць “Бог вялікі”, павінны ўсведамляць, што Бог і справядлівы і, канешне, пакарае кожнага, хто нішчыць святыню Духа Святога – чалавечае жыццё».

Познім вечарам 13 лістапада ў Парыжы адбылася серыя тэрактаў, у выніку якіх загінула больш за 120 чалавек.

Паводле info.wiara.pl

(AG)