Абарона чалавечага жыцця ва ўсіх яго фазах ад зачацця да натуральнай смерці, шанаванне каштоўнасці сямейнага жыцця, прыняцця і выхавання дзяцей у шлюбе як саюзе паміж мужчынам і жанчынай – гэта асноўныя абавязкі дзяржавы ў адносінах да сваіх грамадзян. Пра гэта сказаў на распачацце пасяджэння партугальскага епіскапату Патрыярх Лісабона кардынал Мануэль Хасэ Макарыё дэ Клементэ.

У абарону жыцця і сям'і партугальскі кардынал выступіў напярэдадні разгляду ў мясцовы парламент законапраектаў па лібералізацыі абортаў і легалізацыі ўсынаўлення дзяцей гомасексуалістамі.

Тэмай восеньскага пасяджэння епіскапату, якое праходзіць у Фаціме, з’яўляецца падрыхтоўка да стагоддзя з дзён аб’яўленняў Маці Божай, якія будуць адзначацца ў 2017 годзе. Былі ўзняты таксама пытанні катэхізацыі, моладзевага служэння і заахвочвання Касцёла ў дапамозе бежанцам.

Акрамя таго, біскупы Партугаліі размаўлялі аб новых працэдурах прызнання шлюбу несапраўдным, якія – паводле слоў кардынала Клементэ – патрабуюць «вялікага адзінства ў крытэрыях іх выкарыстання».

Паводле Deon.pl (MV)