У адной са школ Брукліна забаранілі назвы «Божае Нараджэнне» і «Санта Клаўс».  Кіраўніцтва вучэбнай установы ў адпаведнасці з дырэктывай мясцовага дэпартамента адукацыі вызначыла называць Божае Нараджэнне «зімовымі святамі», Дзень падзякі — «святам ураджаю», а Санта Клаўса — «свецкім дзеячам», паведаміў у панядзелак сайт тэлеканала «РенТВ».

Завуч школы Хасэ Чапара заклікаў вучняў і выкладчыкаў «быць адчувальнымі да разнастайнасці сем’яў, таму што не ўсе дзеці адзначаюць адны і тыя ж святы».

Акрамя таго, дэпартамент забараніў распаўсюджванне «выяў бостваў, рэлігійных дзеячаў і тэкстаў», аднак дапусціў выкарыстанне такіх сімвалаў, як ханукія і паўмесяц.

Паводле Интерфакс-религия (MV)