Баевікі «Ісламскай Дзяржавы» забілі 15 снежня ў Масуле трох імамаў, якія адмовіліся дапамагчы баевікам завербаваць новых тэрарыстаў.

Імамы былі вядомыя і паважаныя сярод мясцовых сунітаў. Пакаранне адбылося ў прысутнасці дзясяткаў сведак.

У той самы дзень быў забіты прафесар Aшвака эль-Нуамік, які не хацеў падчас сваіх лекцый прапагандаваць ідэалогію «ІД».

У чэрвені 2014 года, пасля захопу Масула, ісламісты забілі шмат імамаў, у тым ліку Вялікага Імама, таму што яны адмовіліся прысягнуць у вернасці «Ісламскай Дзяржаве». Яны вывезлі з гэтага другога па велічыні іракскага горада ўсіх хрысціян.

Паводле Deon.pl (MV)