Да акцыі ўжо далучылася каля 40 пякарняў горада. У іх выстаўлены скрынкі, куды можна пакласці хлеб, куплены спецыяльна для пілігрымаў, бяздомных, мігрантаў ці для людзей, якія знаходзяцца ў цяжкім становішчы.

«Хлеб у Рыме становіцца "гасцінным". Кожны жадаючы можа купіць бохан або больш. Гэтыя боханы адпаведна спакаваны і пазначаны крыжыкам. А пілігрымы, бежанцы і ўсе патрабуючыя могуць атрымаць яго бясплатна», – распавёў Ватыканскаму радыё старшыня асацыяцыі рымскіх пекараў Бернардзіно Барточы.

Паводле яго слоў, гэта сімвалічны жэст, які гарманіруе з такой вялікай падзеяй, як Юбілей Божай Міласэрнасці.

«Гэта просты жэст, але нашы пекары могуць ганарыцца. Я памятаю, калі мы падарылі Яну Паўлу II батлейку з хлеба, ён сказаў, што Бэтлеем значыць менавіта "Дом хлеба". Гэта нагадвае нам пра вялікую важнасць хлеба для кожнага чалавека, і ў духоўным, і ў матэрыяльным плане»,– сказаў Бернардзіно Барточы.

Паводле eKai.pl (MV)