Пастарал святога Папы Рымскага Грыгорыя І Вялікага дастаўлены для ўшанавання вернікамі ў Кентэрберыйскі сабор — галоўную святыню Англіканскай Царквы, паведамляе газета брытанскіх католікаў Сatholic Нerald.

Пастарал, якім карыстаўся Папа Грыгорый І, прывезены 8 студзеня ў Кэнтэрберыйскі сабор з дазволу Ватыкана ва ўмовах строгай бяспекі.

Папа Грыгорый Вялікі актыўна садзейнічаў устанаўленню хрысціянства ў Англіі у VI стагоддзі. У 595 г. Пантыфік прызначыў св. Аўгустына Кентэрберыйскага, прыёра бэнэдыктынскага кляштарa ў Рыме, узначаліць місію, мэтай якой была евангелізацыя Вялікабрытаніі.

Кардынал Джанфранко Равазі, старшыня Папскай рады па культуры, сказаў, што прывезеная ў Кентэрберы рэліквія сімвалізуе блізкую сувязь паміж католікамі і англіканамі.

Рэліквіі арцыбіскупа Кентэрберыйскага Томаса Бэкета, забітага дзеля таго, каб дагадзіць каралю, таксама будуць прывезены ў гэтым годзе. Гэтая святыня, якая зараз знаходзіцца ў Венгрыі, будзе дастаўлена ў Англію ў маі.

Томас Бэкет быў забіты ў Кентэрберыйскім саборы ў 1170 годзе прыхільнікамі англійскага караля Генрыха ІІ – прэлат супрацьстаяў спробам караля аказаць ціск на Касцёл. Томас Бэкет быў кананізаваны Папам Аляксандрам ІІІ хутка пасля сваёй смерці.

Паводле падання, рэліквіі святога Томаса Бэкета даставіў у Венгрыю ў хуткім часе пасля яго смерці яго сябар кардынал Лукаш Банфі.

(AYU)