У Свята-Успенскай Пачаеўскай лаўры ў ноч на 11 студзеня дзясяткі хораў з храмаў і манастыроў Украінскай Праваслаўнай Царквы Заходняй Украіны заспявалі старадаўнія калядкі.

Як паведамляе Цэнтр інфармацыі УПЦ МП, незвычайнае вечаровае набажэнства адбылося ў Прэабражэнскім саборы Пачаеўскай лаўры.

Манастырскі храм запоўнілі тысячы пілігрымаў з усіх куткоў Украіны. А сам спеў калядак працягваўся далёка пасля апоўначы. Такая традыцыя існуе толькі ва Украіне.

Аднак калядныя спевы на ўкраінскай мове былі забаронены ў святынях Сімферопаля.

Мясцовыя жыхары, па інфармацыі QHA, кажуць, што царкоўныя хоры храмаў Украінскай Праваслаўнай Царквы МП у Сімферопалі да святкавання Божага Нараджэння атрымлівалі ўказанні адмовіцца ад выканання калядак на ўкраінскай мове, каб "не ствараць праблем".

Напярэдадні свята Старшыня УПЦ МП Мітрапаліт Кіеўскі і ўсея Украіны заявіў, што асноўнай мовай праваслаўнага набажэнства павінна быць царкоўнаславянская, а ўкраінская можа выкарыстоўвацца толькі падчас казанняў.

Паводле risu.org.ua, (AYU)