Французскія парламентарыі адобрылі закон, які забараняе эўтаназію. Пры гэтым медыкі могуць спыняць штучнае падтрыманне жыцця невылечна хворых пацыентаў, у тым ліку штучнае ўзнаўленне страты вадкасці і харчаванне.

Пра гэта са спасылкай на інфармагенцтвы паведамляе БЕЛТА.

Згодна з новым законам урачы маюць права выкарыстоўваць седатыўныя прэпараты (якія маюць супакойваючы эфект) у выпадках з невылечна хворымі пацыентамі да моманту наступлення натуральнай смерці.

Адзін з аўтараў законапраекту Ален Клейс падкрэсліў, што «кожны чалавек павінен мець магчымасць асабіста вырашаць, як пражыць апошнія хвіліны». У 2005 годзе Францыя легалізавала пасіўную эўтаназію, якая прадугледжвае спыненне падтрымання жыцця безнадзейна хворых пацыентаў.

Тады абмяркоўвалася ўвядзенне поўнай эўтаназіі, аднак улады яе не адобрылі. Эўтаназія — практыка спынення жыцця чалавека, які мае невылечнае захворванне і невыносна пакутуе. Выдзяляюць два асноўныя віды эўтаназіі: пасіўная (наўмыснае спыненне медыкамі тэрапіі, якая падтрымлівае жыццё) і актыўная (увядзенне паміраючаму медыцынскіх прэпаратаў або іншыя дзеянні, якія нясуць за сабой хуткую смерць без болю).

Першай краінай, дзе была легалізавана эўтаназія, сталі Нідэрланды. У 1984 годзе Вярхоўны суд краіны прызнаў дабравольную эўтаназію прымальнай. 1 красавіка 2002 года эўтаназія ў Нідэрландах стала легальнай.

Паводле БЕЛТА, (IL)