«Куба мае гонар прыняць сустрэчу Прадстаяцеляў Каталіцкага Касцёла і Рускай Праваслаўнай Царквы і забяспечыць усе ўмовы для рэалізацыі гэтай гістарычнай сустрэчы», – гаворыцца ў спецыяльнай заяве Міністэрства замежных спраў гэтай краіны.

 

Пантыфік і Патрыярх сустрэнуцца ў гаванскім Міжнародным аэрапорце імя Хасэ Марці 12 лютага.

Куба была абрана ў якасці «нейтральнай тэрыторыі» для сустрэчы, паколькі, па-першае, Патрыярх Кірыл выказаў жаданне, каб сустрэча не праходзіла ў Еўропе, бо менавіта з гэтым кантынентам, на яго думку, звязана цяжкая гісторыя падзелаў і канфліктаў паміж хрысціянамі, а па-другое, супалі даты візіту Патрыярха ў Лацінскую Амерыку і Папы – у Мексіку.