У Інданезіі наладжана міжрэлігійнае супрацоўніцтва ў сферы планавання сям'і

11.02.2016 15:50

Планаванне сям'і «нельга зводзіць толькі да пытання кантролю над нараджальнасцю, але яно павінна ўключаць усе аспекты сужэнства і рэкамендацыі cужэнцам у тым, каб дзеці былі здаровыя і ўключаны ў грамадскае жыццё, а сям'я квітнела эканамічна» — так пракаментаваў Міжнародную канферэнцыю па планаванні сям'і, якая праходзіла ў Інданезіі, каталіцкі святар Хібертус Хартона, прадстаўнік аб'яднання біскупаў Інданезіі. Біскупская канферэнцыя нястомна пашырае дапамогу сужэнцам, навучаючы іх адказнаму бацькоўству ў процівагу ідэалогіі кантрацэпцыі. Гэтыя праекты ажыццяўляюцца пры ўдзеле пратэстантаў, а таксама мусульман і будыстаў. Мэта міжрэлігійнага супрацоўніцтва ў гэтай галіне — садзейнічаць «маральнаму абліччу сем'яў у краіне». Дзейнасць Каталіцкага Касцёла на карысць сям'і атрымала прызнанне міністра рэлігійных спраў Інданезіі, які адзначыў «вялікую кампетэнтнасць» парафій у падрыхтоўцы маладых людзей да шлюбу і планавання сям'і, якое выключае кантрацэпцыю. Паводле рускай рэдакцыі Ватыканскага радыё, (AYU)