Прэфект Кангрэгацыі па справах Інстытутаў кансэкраванага жыцця і Таварыстваў апостальскага жыцця кардынал Жуан Брас дэ Авіс упэўнены ў будучыні кансэкраванага жыцця. Іерарх прыгадвае, што ў гісторыі былі ўжо выпадкі, калі цэлыя супольнасці адраджаліся дзякуючы толькі адной асобе, якая засталася.

«Чаму б такое не змагло адбыцца і зараз?» — пытаецца кардынал.

Іерарх, аднак, перасцерагае, што патрэбна аднаўленне, пакліканні павінны быць радаснымі і выпрабаванымі Евангеллем.

Таксама прэфект ватыканскага ведамства звяртае ўвагу, што ў кляштаравых супольнасцях гэтая сітуацыя дынамічная. Шмат кляштараў зачыняецца, але яшчэ больш адчыняецца новых.

Паводле слоў кардынала, на сённяшні дзень пазітыўным стымулам для кансэкраванага жыцця з’яўляецца сам Папа Францішак.

Паводле польскай рэдакцыі Ватыканскага радыё, (AYU)