Тры італьянскія святары, якія жывуць падчас Вялікага посту ў палатцы, такім чынам выступаюць супраць дрэнных умоваў, у якіх даводзіцца жыць бежанцам, што прыбываюць у Італію.

Палатка пастаўлена перад касцёлам св. Зянона ў Амбівэрэ ў правінцыі Бергама, дзе служыць адзін з гэтых святароў. Астатнія служаць у суседніх парафіях Мапэллы і Вальтрыгэ.

Святары падкрэсліваюць, што яны хочуць прыцягнуць увагу мясцовых уладаў да праблем, з якімі штодзень змагаюцца бежанцы, а таксама нагадаць вернікам пра неабходнасць канкрэтных жэстаў салідарнасці. Матрац на зямлі, пітная вада, сухі паёк і біяпрыбіральня — гэта рэальнасць, у якой яны жывуць у велікапосны перыяд.

Парафіяне ў цэлым падтрымліваюць гэты правакацыйны жэст, нагадваючы, аднак, што не Касцёл, а дзяржава павінна эфектыўна вырашаць праблемы мігрантаў.

Паводле kai.pl, (AYU)