14 сакавіка Канферэнцыя Каталіцкіх Біскупаў Дамiнiканскай Рэспублiкi апублiкавала пасланне, у якiм рашуча асудзiла прапаганду Джэймса Уэбстара, пасла ЗША у гэтай карыбскай краiне, накiраваную на падтрымку нетрадыцыйных сексуальных адносінаў.

Бiскупы таксама папрасiлi дамiнiканскiя ўлады звярнуцца ў Вашынгтон з афiцыйным пратэстам супраць дзеянняў палiтыка.

Пра гэта паведамляе aciprensa.com.

Як адзначаецца ў заяве епіскапату Дамініканскай Рэспублікі, «з моманту прыезду ў нашу краіну Джэймса Уэбстара дзеяннi пасла выклiкаюць сур'ёзную заклапочанасць i нязгоду ў грамадстве i Касцёле».

«На працягу апошніх гадоў мы неаднойчы назiралi перавышэнне афiцыйных паўнамоцтваў пасла, якi выказваў непавагу да звычаяў нашага грамадства, парушаючы канстытуцыю Дамiнiканскай Рэспублікі i Венскую канвенцыю аб дыпламатычных зносінах, ратыфікаваную дзвюма краiнамi», — дадаюць біскупы.

Згодна з заявай, «Уэбстар, наведваючы дзяцей у дзяржаўных і прыватных школах i прымаючы ўдзел у моладзевых, спартыўных і іншых грамадскiх мерапрыемствах, афiцыйна прадстаўляў Боба Сатаўэйка ў якасцi свайго мужа».

Джэймс Уэбстар быў прызначаны паслом ЗША ў Дамiнiкане Баракам Абамам i прыступіў да выканання сваіх абавязкаў у карыбскай краiне разам з Бобам Сатаўэйкам.

Варта адзначыць, што 90 працэнтаў насельнiцтва Дамiнiканскай Рэспублiкi — католiкi, гомасексуальныя сувязi ў гэтай краiне не легалізаваны.

Пераклад Кацярыны Сапожнiкавай