Скарб з фрагментамі запісаў на старажытнаяўрэйскай мове быў знойдзены нядаўна ў Ізраілі. Вучоныя прыйшлі да выніку, што асноўная частка кніг Танаха (яўрэйская назва Бібліі) была напісана нашмат раней, чым прынята лічыць.

Пра гэта паведамляе The Guardian.

Выкарыстоўвачы тэхналогію аналізу почырку, аналагічную той, якая выкарыстоўваецца спецслужбамі і банкамі, вучоныя ўніверсітэта Тэль-Авіва вызначылі, што запісы, знойдзеныя ў скарбе, належаць не аднаму, а адначасова шасці аўтарам.

Яны датуюцца прыблізна 600 годам да нашай эры і дазваляюць сцвярджаць, што пісьменнасць у старажытным Ізраэлі была шырока распаўсюджана, таму большая частка кніг Пяцікніжжа была напісана яшчэ да Бабілёнскага палону.

Сёння ў навуцы пераважае меркаванне, згодна з якім Пяцікніжжа было сабрана з розных запісаў падчас Бабілёнскага палону яўрэяў (з 598 да 539 г. да н.э.). Аднак археолаг Ізраіль Фінкельштэйн лічыць, што Пяцікніжжа, а таксама Кнігі Валадарстваў былі напісаны яшчэ да пачатку заваяванняў бабілёнскага цара Навухаданосара ІІ. У юдэйскай і хрысціянскай традыцыі аўтарам Пяцікніжжа прынята лічыць прарока Майсея.

Танах — яўрэйская назва Бібліі. Яна, у адрозненне ад хрысціянскай версіі, уключае ў сябе толькі кнігі Старога Запавету. Вучоныя мяркуюць, што большасць кніг Танаха з’яўляюцца кампіляцыямі з розных кніг, якія неаднаразова рэдагаваліся і перапісваліся да ІІ стагоддзя да н.э.

РИА Новости, (IL)