Пуэртарыканец Фернанда Казанова, вядучы праграм «Абаронім сваю веру», «Я дома», якія транслююцца ў каталiцкай медыясетцы EWTN, 14 мая наведае Ліму (Перу) для правядзення канферэнцыі пад назвай «Католік, навучыся любіць сваю веру».

Пра гэта паведамляе aciprensa.com.

Фернанда Казанова, былы пастар пяцідзясятнікаў, перайшоў у каталіцтва і зараз з'яўляецца актыўным апалагетам Касцёла. (Апалагетыка — частка тэалогіі, прысвечаная абгрунтаванню веравучэння з дапамогай логікі, рацыянальных разважанняў — заўв. перакладчыка.)

Разам са сваёй жонкай Лiзэттай яны прынялi каталіцтва, зразумеўшы, паводле слоў Фернанда, што  евангельская вера пяцідзясятнікаў грунтуецца толькі на фрагментарным цытаванні хрысціянскай дактрыны.

Доктар тэалогii, магістр 3 ступеняў — рэлігіязнаўства, багаслоўя і царкоўных даследаванняў — Фернанда Казанова заснаваў у 2007 годзе «Адукацыйны Альянс» (La Alianza Formativa), цэнтр катэхізацыi i распаўсюджвання каталіцкай веры на тэрыторыі архідыяцэзіі г. Сан-Хуана, Пуэрта-Рыка.

Зараз Фернанда Казанова працуе над стварэннем Сусветнага Багаслоўскага інстытута дыстанцыйнай формы навучання з атрыманнем дыплома па вывучэнні Святога Пісання.

Паводле aciprensa.com,
пераклад з iспанскай мовы Кацярыны Сапожнiкавай