Кангрэс і Сенат ЗША хутка пачнуць абмяркоўваць законапраект, які прапануе фінансавую падтрымку хрысціянскім узброеным групам у іх змаганні з так званай «Ісламскай дзяржавай».

Баевікі-ісламісты ў Іраку і Сірыі масава забіваюць мясцовых хрысціян, бяруць іх у закладнікі, гвалтуюць жанчын і прадаюць іх у нявольніцтва.

Некаторыя краіны ўжо прызналі такія дзеянні ісламістаў генацыдам хрысціян і іншых рэлігійных меншасцяў.

«Камітэт лічыць, што Злучаныя Штаты павінны падтрымліваць адпаведным чынам правераныя і эфектыўныя мясцовыя групы, такія, як іракскія хрысціянскія апалчэнні», — гаворыцца ў законапраекце.

Да ўсходніх хрысціян, якія ваююць супраць ісламістаў, далучыліся таксама некаторыя добраахвотнікі з краін Амерыкі і Еўропы.

Аляксандр Гелагаеў паводле Catholicherald.co.uk