Суд у бразільскім штаце Гояс, размешчаным у цэнтральнай частцы краіны, забараніў мастаку і скульптару Ане Гімарайс прадаваць і распаўсюджваць творы, якія ў апошнія месяцы сталі яе візітоўкай. Гаворка ідзе пра фігуркі, якія прадстаўляюць каталіцкіх святых у вобразе супергерояў і вядомых персанажаў поп-культуры.

Вердыкт стаў адказам на заяву архідыяцэзіі горада Гоянія. Суддзя прыслухаўся да аргументаў прадстаўнікоў Касцёла, якія лічаць творчасць Гімарас абражальнай для пачуццяў вернікаў.

У выпадку, калі скульптар парушыць рашэнне суда, ёй пагражае штраф у памеры 50 тыс. рэалаў (больш за 14 тысяч долараў).
Гіпсавыя фігуркі, якія Гімарайс стварала для продажу пад гандлёвай маркай «Святое блюзнерства», уяўляюць сабой фігуры біблейскіх асобаў у касцюмах супергерояў амерыканскіх коміксаў або славутых людзей са свету поп-музыкі і мастацтва.

Цяпер рашэннем суда Гімарайс забаронена нават размяшчаць фотаздымкі сваіх твораў у сацыяльных сетках.

«Я ніколі не хацела нікога пакрыўдзіць у яго веры. Мая сям’я — католікі, і ім падабаецца тое, што я раблю, яны падтрымліваюць мяне», — так пракаментавала вердыкт 32-гадовая скульптар.

Паводле sib-catholic.ru, (IL)