Касцёл у Канадзе «не складвае зброю» ў барацьбе супраць прапанаванага новага закона аб эўтаназіі. Абмяркоўвае гэты закон мясцовы Сенат.

Першапачатковы праект патрапіў туды ва ўсечаным выглядзе, аднак частка  сенатараў усімі сродкі імкнецца распаўсюдзіць «права на смерць» таксама для дзяцей, якія пакутуюць на разумовыя недахопы, і пацярпелых ад дэгенератыўных захворванняў.

Новы закон абмяркоўваецца, таму што канадскі Канстытуцыйны суд год таму прызнаў папярэдні закон аб эўтаназіі неканстытуцыйным. Аднак, паколькі заканадаўчая праца зацягнулася звыш тэрміну, устаноўленага судом 6 чэрвеня, Канада ў цяперашні час не мае ніводнага закону, які б дазваляў эўтаназію.

У гэтым кантэксце Мітрапаліт Аттавы арцыбіскуп Тэрэнс Томас Прэндэргаст нагадаў, што сумленне любога ўрача не можа парушаць закон.

«Медыкі складаюць клятву Гіпакрата, абавязваючыся абараняць чалавечае жыццё, а прыняцце закона аб эўтаназіі можа зрабіць з іх вінаватых з ліцэнзіяй на забойства», — сказаў іерарх.

Мітрапаліт Аттавы таксама нагадаў, што няма права чалавека на эўтаназію або дапамогу ў смерці. «Існуе толькі права на жыццё і аздараўленне, а не на прымус кагосьці забіваць нас», — дадаў арцыбіскуп.

Іерарх адзначыў, што краіне, у якой урачы з’яўляюцца слугамі смерці, а не жыцця, і не лічацца са свабодай сумлення, пагражае маральная смерць.

Паводле ekai.pl,

(MV)