Пратэст супраць стварэння чалавечых эмбрыёнаў для даследчых мэт выказаў кардынал Уільям Эйк. Арцыбіскуп Утрэхта такім чынам адрэагаваў на прапанову міністра аховы здароўя Галандыі Эдзіт Шыперс юрыдычна ўзаконіць такую магчымасць.

«Жыццё чалавека не можа быць прынесена ў ахвяру на карысць фiзiчнага дабрабыту іншых людзей», — напісаў кардынал Уільям Эйк, адказны па этычных і медыцынскіх справах у галандскім епіскапаце.

Іерарх падкрэсліў, што Касцёл вельмі прыхільна ставіцца да даследаванняў, якія могуць дапамагчы ў адкрыцці новых метадаў лячэння. Але гэта не можа нейкiм чынам парушаць агульны прынцып, які кажа, што «годнасць асобы трэба прызнаваць у кожным чалавеку ад зачацця да натуральнай смерці».

Арцыбіскуп Утрэхта адзначыў, што вучэнне Касцёла ў гэтай галіне часта адмоўна прадстаўлена грамадскасці з-за яго катэгарычнасці ў некаторых пытаннях этыкі. Касцёл, аднак, толькі хоча, каб «жыццё эмбрыёнаў не было прынесена ў ахвяру ў даследчых мэтах, але каб грамадства ставілася да іх як да чалавечых асобаў».

Гэта, такім чынам, азначае «так» чалавечаму жыццю, але рашучае «не» парушэнню чалавечай годнасці.

Галандскае заканадаўства ўжо ў 2002 г. спрабавала праводзіць даследаванні над так званымі «лішнімі» эмбрыёнамі, зачатымі з дапамогай штучнага апладнення.

«Стварэнне эмбрыёнаў для даследчых мэт было б яшчэ больш сур’ёзным парушэннем іх чалавечай годнасці», — падкрэсліў кардынал Уільям Эйк.

Паводле ekai.pl,

(MV)