Рашэнне егіпецкай зборнай адхіліць свайго дзюдаіста Іслама Эль-Шэхабіёт ад далейшага ўдзелу ў Алімпійскіх гульнях за адмову паціснуць руку свайму суперніку з Ізраіля — адзінае правільнае, заявіў кіраўнік дэпартамента грамадскіх сувязяў Федэрацыі яўрэйскіх абшчын Расіі Борух Горын.

Згодна з паведамленнямі СМІ, егіпцянін адмовіўся прывітаць спартсмена з Ізраіля Ору Сасону пасля таго, як прайграў яму ў першым раўндзе. У Міжнародным алімпійскім камітэце, які асудзіў паводзіны егіпецкага спартсмена, адзначылі, што рашэнне аб яго адхіленні прыняла сама зборная краіны.

«Гэта робіць ім гонар. Рашэнне Егіпецкага алімпійскага камітэта я лічу больш чым справядлівым і правільным. Думаю, такім чынам ён зняў з сябе гэтую ганьбу, ачысціў сваю рэпутацыю. Гэта не праблема Ізраіля або ізраільскага дзюдаіста, а праблема зборнай, якую прадстаўляе спартсмен. Таму калі зборная такім чынам яго асудзіла, яна прыняла адзінае правільнае рашэнне», — сказаў Борух Горын.

Паводле яго слоў, Алімпійскія гульні існуюць, каб яднаць людзей. Іх прынцыпы прапісаны ў хартыі — канстытуцыі Гульняў. «Яны хочуць зрабіць свет хоць на некалькі дзён лепшым, каб людзі адзін аднаго перасталі ўспрымаць як прадстаўнікоў варожых сіл (...). Калі гэты дух Алімпіяды сыходзіць і яна становіцца прычынай дадатковых праяўленняў варожасці, то нівелюецца сама ідэя Алімпійскіх гульняў», — падкрэсліў субяседнік агенцтва.

Ён таксама дадаў, што такое рашэнне аб адхіленні егіпецкага спартсмена павінен быў прыняць і МАК, і што на будучыню Міжнароднаму алімпійскаму камітэту варта «на такога роду рэчы рэагаваць з усёй строгасцю і стаяць на варце уласных асноўных прынцыпаў».

РІА «Новости», (IL)