Прафесар Джон Рональд Руэл Толкін быў перакананым католікам і ў сваіх прасякнутых хрысціянскай тэалогіяй кнігах адлюстроўваў барацьбу за свабоду ад тыраніі зла. Нядаўна брытанскае радыё «BBC» знайшло раней забыты запіс інтэрв'ю са знакамітым пісьменнікам.

Толкін даў сваё апошняе, запісанае ўжывую, інтэрв'ю ў 1968 годзе, аднак вялікая частка запісу не патрапіла да публікі і згубілася ў архівах «BBC».

Навуковец з Оксфарда доктар Сцюарт Лі пачаў пошук згубленага запісу, а потым удзельнічаў у перадачы, якая была прысвечана таму, як журналісты сустрэліся з аўтарам казачнага эпасу.

У перадачы «Толкін: згубленыя запісы» тыя, хто асабіста сустрэўся з пісьменнікам, згадалі пра тое ўражанне, якое ён на іх зрабіў.

Аляксандр Гелагаеў паводле Bbc.co.uk