На заканчэнне 14-й пленарнай сесіі Міжнароднай змешанай камісіі па справах тэалагічнага дыялогу паміж Каталіцкім Касцёлам і Праваслаўнай Царквой быў прыняты дакумент пад назвай «Сінадальнасць і першаснасць у першым тысячагоддзі: на шляху да агульнага разумення дзеля служэння адзінству Касцёла».

Упершыню за 9 гадоў дакумент, распрацаваны падчас пленарнай сесіі, быў прыняты ўсімі Цэрквамі. У дакуменце галоўным чынам гаворыцца пра дзве формы здзяйснення ўлады ў Касцёле: сінадальнай, а значыць супольнай, а таксама аб прымаце.

У пасяджэнні, якое адбывалася ў К’еці (Італія) 15–22 верасня, прымалі ўдзел прадстаўнікі абедзвюх Цэркваў. Узначальвалі сесію кардынал Курт Кох, старшыня Папскай рады спрыяння хрысціянскаму адзінству, і архіепіскап Ёў (Геча) з Экуменічнага Патрыярхату Канстанцінопаля.

Паводле deon.pl
(VGr)