«Чорным панядзелкам» называюць у СМІ акцыю пратэсту жанчын, прыхільнікаў абортаў у Польшчы, якія, пачынаючы з 3 кастрычніка, плануюць апранацца ва ўсё чорнае, не выходзіць на працу і прапускаць заняткі ва ўніверсітэтах.

Замест гэтага полькі збіраюцца прымаць удзел у мітынгах, шэсцях і велапрабегах, паказваючы такім чынам свой пратэст адносна законапраекту, які мае на мэце цалкам забараніць аборты ў краіне.

Пратэст падтрымалі некаторыя буйныя ўстановы адукацыі, а таксама некаторыя палякі-мужчыны.

Незадаволенасць у некаторых слаёў насельніцтва з’явілася 21 верасня пасля таго, як польскі сейм у першым чытанні прыняў законапраект, ініцыяваны асацыяцыяй «Права на жыццё», падтрыманы Каталіцкім Касцёлам у гэтай краіне і кіруючай кансерватыўнай партыяй PiS («Права і справядлівасць»).

Падтрымаць акцыю пратэсту ў Польшчы плануюць і некаторыя жыхары Вільнюса.

Паводле baltnews.lt (IL)