Біскупская Канферэнцыя паўночных краін апублікавала пастырскае пасланне для парафій Швецыі, Нарвегіі, Даніі, Фінляндыі і Ісландыі. Скандынаўскія каталіцкія біскупы пішуць, што, нягледзячы на ўсе слушныя тлумачэнні, Рэфармацыя стварыла раскол у хрысціянстве, прынесла пакуты, якія працягваюцца па сёння.

З-за гэтага падзелу ў краінах Паўночнай Еўропы Каталіцкі Касцёл адрадзіўся толькі пасля некалькіх стагоддзяў, адпаведна, «500-годдзе Рэфармацыі павінна быць не святам, а ўспамінам у духу пакаяння».

У пасланні, абнародаваным пад назвай «Ад канфлікту да адзінства», гучыць пытанне пра тое, «як узрастаць разам у веры, надзеі і любові». Каталіцкія біскупы рашуча выказваюцца за працяг «супольнага шляху прымірэння з нашымі лютэранскімі братамі і сёстрамі і за тое, каб рабіць усё магчымае для дасягнення адзінства».

Паводле рускай рэдакцыі Ватыканскага радыё
(VGr)