Настаўнікі і бацькі часта наракаюць, што сучасныя дзеці занадта шмат часу праводзяць у гульнях на мабільных устройствах са шкодай для свайго сацыяльнага і маральнага развіцця. «Правмир» сабраў самыя лепшыя і карысныя мабільныя дадаткі для дзяцей.

Сярод іх — экскурсіі па музеях і запаведніках Расіі, дзіцячы малітваслоў, дапамога ў вершаскладанні, гаджэт пад назвай «Планета добрых спраў», аўтызм-камунікатар і іншыя карысныя дадаткі.

Дадатак «Дзіцячы тлумачальны малітваслоў» — гэта інтэрактыўная кніга, якая ўяўляе сабой захапляючы аповед праваслаўнага хлопчыка Нікіты пра тое, як ён правёў адзін з нядзельных дзён. Аўтар не толькі прыводзіць у кнізе тэксты асноўных малітваў Праваслаўнай Царквы з тлумачэннямі, але і імкнецца патлумачыць дзецям, чаму трэба хадзіць у святыню і як маліцца. Распрацоўнікі на прыкладзе галоўнага героя імкнуцца паказаць, як належыць паводзіць сябе ў паўсядзённым жыцці.

Дадатак адрозніваецца добрым афармленнем, мноствам яркіх ілюстрацый. Разлічаны на дзяцей малодшага ўзросту і іх бацькоў.

«Планета добрых спраў» — мабільны дадатак, пакліканы дапамагчы бацькам у займальнай форме распавесці дзецям пра дабро. У яго ўваходзіць 10 гісторый пра іншапланетных герояў — Кнофціка, Слуфі, Смешуна, Люмпіка і Громзі. Кожны з герояў валодае асаблівымі ўнікальнымі якасцямі і можа стаць надзейным спадарожнікам юнага карыстальніка на шляху добрых спраў.

«Ваша дзіця можа самастойна выбіраць ход развіцця гісторый. Каго пакліча Максім на дапамогу, каб адшукаць шчанюка? Вясёлую Смяшуню? Імклівага Слуфі ці моцнага Громзі? — кажуць аўтары дадатка. — Ад выбару залежыць працяг сюжэту. Кожны раз вы можаце ствараць новую гісторыю і перачытваць яе зноў і зноў».

Аўтызм-камунікатар — гэта мабільны дадатак, створаны спецыяльна для дзяцей і дарослых з дыягназам «аўтызм». З дапамогай новага камунікатара на аснове малюнкаў нават тыя людзі, якія не размаўляюць, змогуць выказаць свае жаданні і зразумець, чаго ад іх чакаюць. Цяпер для таго, каб кантактаваць, такім людзям дастаткова спампаваць новую распрацоўку праграмістаў, дзе сабрана звыш 400 картак, якія можна выкарыстоўваць у розных сітуацыях. Малюнкі размеркаваны па блоках: настрой, ежа, транспарт і гэтак далей.

«Класіка» — мабільны дадатак, які распрацавала радыё «Серебряный Дождь» з мэтай дапамагчы бацькам і дзецям больш даведацца пра класічную музыку і палюбіць яе. Дадатак дае доступ карыстальнікам да кароткіх праграм, якія працягваюцца ўсяго 3-4 хвіліны.

Паводле pravmir.ru
(VGr)