Фестываль «Вера і слова» з удзелам свецкіх і царкоўных журналістаў, прысвечаны праблеме ўзаемадзеяння Рускай Праваслаўнай Царквы і СМІ, распачаўся 24 кастрычніка ў Маскве.

Цэнтральнымі тэмамі форуму стануць сацыяльнае і моладзевае служэнне Царквы. У ліку ўдзельнікаў фестывалю — Патрыярх Маскоўскі і ўсяе Русі Кірыл. Таксама на форум, які праходзіць раз на два гады, прыедуць прадстаўнікі праваслаўных і свецкіх СМІ, супрацоўнікі епархіяльных прэс-службаў з усіх рэгіёнаў Расіі, Беларусі, Украіны, Малдовы, краін Прыбалтыкі, Казахстана, Цэнтральнай Азіі і Азербайджана.

25 кастрычніка адбудзецца сустрэча ўдзельнікаў фестывалю з Патрыярхам Кірылам.

Таксама ў межах форуму адбудзецца прэзентацыя новай кнігі праваслаўнага іерарха «Казаць Божую праўду. Патрыярх пра медыя» — зборнік выступленняў і інтэрв’ю Патрыярха Кірыла, у якіх закранаецца тэма медыя.

Паводле ria.ru, (IL)