Іракскія ўрадавыя войскі пры падтрымцы войскаў НАТА і курдскіх узброеных фармаванняў пачалі ў мінулым месяцы наступленне на пазіцыі ісламістаў і наблізіліся да горада Масул — аднаго з самых вялікіх у краіне.

Іракскі паліцэйскі-хрысціянін.

Католікі вяртаюцца ў вызваленыя раёны і паўсюль бачаць прыкметы рэлігійнага пераследу — разрабаваныя спаленыя касцёлы, разбураныя алтары.

«Мы павінны сёння знішчыць усё, што пакінула пасля сябе "Ісламская дзяржава", у тым ліку разлады і ўнутраныя канфлікты... Павінна змяніцца тая ментальнасць, якая з’яўляецца прычынай палітычнай і рэлігійнай варожасці», — заявіў каталіцкі арцыбіскуп Масула Бутрус Мошэ.

Падрыхтоўка да Імшы ў разбуранай святыні.

Іерарх адслужыў Імшу ў разбураным касцёле Беззаганнага Зачацця Дзевы Марыі ў горадзе Бахдзіда, які быў нядаўна вызвалены.

Хрысціяне ў паўночным Іраку жывуць з першага стагоддзя нашай эры. Ісламісцкі тэрор вымусіў сотні тысяч іракскіх католікаў стаць бежанцамі.

Аляксандр Гелагаеў паводле reuters.com