Уладзімір Жырыноўскі прапанаваў вярнуць у Расіі юліянскі каляндар

16.12.2016 08:30

Лідар ЛДПР Уладзімір Жырыноўскі прапанаваў вярнуцца да юліянскага календара і святкаваць Божае Нараджэнне не 7 студзеня, а 25 снежня. «Быў юліянскі каляндар, мы перайшлі да грыгарыянскага. Увесь свет Божае Нараджэнне (адзначае) 25 снежня, а ў нас у Расіі чалавек нарадзіўся 7 студзеня... Якая прапанова? Вярнуцца да юліянскага календара», — цытуе дэпутата газета «Известия». На думку Жырыноўскага, таксама ў РФ неабходна вярнуць гімн «Божа, цара барані» і змяніць расійскі трыкалор на імперскі, чорна-жоўта-белы. Расія перайшла з юліянскага на грыгарыянскі каляндар (па якім на той момант жылі большасць краін свету) у 1918 годзе. Руская Праваслаўная Царква не прыняла новаўвядзення, таму Божае Нараджэнне ў Расіі адзначаецца 7 студзеня, што адпавядае 25 снежня па юліянскім календары. Паводле blagovest-info.ru (IL)