Жыхар Бэтлеема Якуб Шахен, вернік сірыйска-праваслаўнай Царквы перамог у арабскім песенным шоў талентаў «Arab idol».

Упершыню перадача «Pop-Idol» выйшла ў Вялікабрытаніі, дзе паспяхова ішла два сезоны з 2001 па 2003 гг. З таго часу конкурсы ў падобным фармаце сталі выходзіць па ўсім свеце.

У фінале, які завяршыўся 25 лютага ў Бейруце, 23-гадовы спявак з Палесціны спаборнічаў з іншым сваім земляком. За музычным спаборніцтвам на вялікіх тэлебімах, адмыслова ўсталяваных на адной з плошчаў горада сачылі тысячы жыхароў Бэтлеема.

На фінал конкурса ў Ліван з гэтай нагоды прыбыла асобная дэлегацыя з Бэтлеема на чале з бургамістрам горада, а таксама сынам палесцінскага лідара Махмуда Аббаса — Аббасам Джасірам.

Чытайце таксама:

• Хрысціянскае сёння. «Прызнанне Папам Палесціны дае надзею нашаму народу»

Якуб Шахен стаў другім палесцінцам, які здабыў перамогу ў конкурсе. У 2013 годзе песеннае шоў выйграў Мухамед Асаф з сектара Газа.

Паводле deon.pl (IL),
фота theguardian.com