Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У гарадской думе Масквы абмяркоўваюць рэлігійнае меню для дзяцей
29.03.2017 08:55

У маскоўскіх школах можа з’явіцца рэлігійнае спецхарчаванне: ідэю раздачы вучням посных, кашэрных і халяльных бясплатных абедаў абмяркоўваюць у гардуме расійскай сталіцы.

Пра гэта са спасылкай на газету «Коммерсантъ» паведамляе Сібірская каталіцкая газета.

На думку некаторых дэпутатаў, паўнамоцтвы фарміраваць такое меню варта аддаць бацькоўскім камітэтам. Аднак у Расспажывецнадзоры кажуць, што ў школьных сталовых тэхнічна немагчыма гатаваць некалькі відаў абедаў. У мэрыі заўважаюць, што поснае меню можа пашкодзіць здароўю дзяцей.

Адкуль прыйшла ідэя?

З ідэяй увесці ў школах харчаванне па «рэлігійных стандартах» выступіў на пасяджэнні камісіі Масгардумы па справах грамадскіх аб’яднанняў яе старшыня Антон Палееў, які спаслаўся на «шматлікія звароты праваслаўнай грамадскасці». Як падлічыў дэпутат, у Маскве каля 23 тысяч сем’яў строга выконваюць праваслаўны пост.

Як патлумачыў дэпутат, побач з поснымі абедамі дзеці на выбар маглі б атрымліваць кашэрную, халяльную і вегетарыянскую (для будыстаў) ежу.

Даведка:
У 630 гарадскіх школах Масквы сёння вучыцца каля 870 тысяч вучняў. Бясплатнае гарачае харчаванне атрымлівае больш за 485 тысяч школьнікаў. У 2017 годзе на гэтыя мэты было выдзелена 19,8 млрд рублёў з маскоўскага бюджэту.

Прадстаўнікі іншых рэлігій Расійскай Федэрацыі, у прыватнасці яўрэі, і мусульмане, падтрымалі гэту ідэю ініцыятыву дэпутата.

Аднак, як высветлілася, большасць гарадскіх школ пабудавана ў савецкія часы і не мае тэхнічнай магчымасці гатаваць адразу некалькі відаў абедаў.

Намеснік старшыні камісіі Масгардумы па адукацыі Вольга Яраслаўская лічыць, што прадукты па рэлігійных стандартах можна прадаваць у школьных буфетах за грошы. Гэту думку падзяляе і кіраўнік камісіі па ахове здароўя Людміла Сцебенкова, якая лічыць прымальным рэалізоўваць такую прадукцыю толькі старшакласнікам.

Дыскусія па гэтым пытанні працягваецца.

Паводле sib-catholic.ru (IL)


 

Пры выкарыстанні матэрыялаў сайта спасылка на Catholic.By абавязкова.