15 красавіка Святы Айцец прыняў на аўдыенцыі Марыяна Рахоя Брэя, старшыню іспанскага ўрада. З палітыкам сустрэўся таксама Дзяржаўны сакратар кардынал Тарчызіо Бэртонэ. Падчас сустрэч абмяркоўвалася складаная сусветная фінансава-эканамічная сітуацыя, якая закранула як Іспанію, так і іншыя еўрапейскія краіны, і прывяла да крызісу занятасці, што ўдарыў перш за ўсё па сем’ях і моладзі.