Не гуляйце з сатаною ў шахматы. І ў лато, і ў футбол, і ўвогуле не гуляйце — рагаты будзе падманваць і мяняць правілы на сваю карысць, а перахітрыць бацьку ілжы вы ўсё роўна не здолееце. Выйграць у махляра можна толькі адным шляхам — зусім адмовіцца гуляць. «Vade retro, satanas», «адыдзі ад мяне, сатана» — адзіна правільны адказ адразу і без доўгіх размоваў.

Так шмат мы чакаем ад Калядаў. Каб надвор’е было спрыяльным і снежным, каб падарункі абавязкова спадабаліся блізкім, каб стравы на стале ўдаліся як найлепей, каб грошай хапіла і яшчэ засталося, каб кожны ўсміхаўся, каб госці прыйшлі і пайшлі задаволеныя, каб было ўсё лёгка, весела, смачна і бесклапотна, і гэта толькі пачатак.