У ноч з 1 на 2 чэрвеня 2014 года не стала Таццяны Тарасевіч – лідара руха «Пралайф-Беларусь», галоўнага рэдактара інфармацыйна-аналітычнага партала www.pro-life.by, аўтара публікацый на тэму антрапалогіі, дэмаграфічнай палітыкі, біяэтыкі; старэйшага выкладчыка кафедры літаратурна-мастацкай крытыкі Інстытута журналістыкі БДУ. 

Грамадская дзейнасць Таццяны Тарасевіч была прысвечана адстойванню традыцыйных хрысціянскіх каштоўнасцей, абароне жыцця ненароджаных дзяцей. «Не існуе прававых, маральных і навуковых аргументаў для знішчэння дзяцей абортамі,» -- такой была яе грамадзянская пазіцыя.

Адным з апошніх праектаў, рэалізаваных з актыўным удзелам Таццяны Тарасевіч, была канферэнцыя «Роля традыцыйных веравызнанняў у рашэнні праблем захавання жыцця і дэмаграфічнай бяспекі Беларусі», паводле вынікаў якой прадстаўнікі традыцыйных канфесій падпісалі Беларускую дэкларацыю абароны жыцця чалавека.

У верасні Таццяне Тарасевіч павінна было споўніцца 44 гады.

Паводле church.by