Міжнародны каталіцкі фестываль хрысціянскіх фільмаў і тэлепраграм «Magnificat» наступны раз адбудзецца ў 2017 годзе. Сёлета замест яго ва ўсіх чатырох дыяцэзіях Каталіцкага Касцёла ў Беларусі запланавана рэха кінафестываля.

Пра гэта Сatholic.by праінфармаваў галоўны натхняльнік фестываля і яго дырэктар Юрый Гарулёў.

Паводле яго слоў, для правядзення рэха фестываля ў беларускіх рэгіёнах ужо адабрана 40 стужак – прызёраў фестываля розных гадоў.

«Кожны, хто хацеў бы арганізаваць прагляд стужак “Магніфікату” ў сябе ў парафіі, можа звярнуцца ў аргкамітэт фестываля з просьбай, – адзначае рэжысёр. – Мы даём магчымасць азнаёміцца з анатацыямі і выбраць для сябе найбольш цікавыя стужкі. Фільмы для прагляду ў парафіях мы гатовыя прадставіць на некамерцыйнай аснове».

Для арганізацыі рэха «Магніфікату» ў вашым рэгіёне можна звяртацца па тэлефонах:

8 029 616 23 65 Юрый Мікалаевіч Гарулёў (дырэктар фестываля)
8 029 285 26 28 Ганна Віткоўская (праграмны дырэктар фестываля)

Юрый Гарулёў дадаў, што сам фестываль сёлета не адбудзецца, яго правядзенне перанесена на 2017 год. Больш падрабязна пра гэта – у інтэрв’ю з Юрыем Гарулёвым, якое выйдзе неўзабаве.

Ілья Лапато