Як паведамляе БЕЛТА, гэта адбылося 21 мая падчас наведвання кіраўніком беларускай дзяржавы музея Ватыкана, дзе нядаўна распачала сваю працу выстаўка беларускіх абразоў XVII-XXI ст. 

На ўваходзе да экспазіцыі Аляксандра Лукашэнку сустракалі Мітрапаліт Мінска-Магілёўскі арцыбіскуп Тадэвуш Кандрусевіч і настаяцель мінскага праваслаўнага прыхода Храма-помніка ў гонар Усіх Святых протаіерэй Фёдар Поўны. Разам яны спыніліся паслухаць спевы ў выкананні хору «Усіхсвяцкі».

 

 

Па запрашэнні протаіерэя Фёдара Поўнага разам з хорам выступіла і Патрыцыя Курганава. Яна вельмі пранікнёна выканала спеў «Аve Maria», пасля чаго Аляксандр Лукашэнка папрасіў суправаджальных асобаў перадаць яму памятны медаль Пантыфіка, які і ўручыў спявачцы.

Падрабязней пра гісторыю Патрыцыі Курганавай ТУТ

«Ён сказаў, што яму гэты медаль падарыў Папа Рымскі, а ён дорыць мне, каб медаль быў са мной», -- сказала дзяўчына. «Мы не вельмі доўга рэпеціравалі. Таму я перажывала, але ўсё атрымалася добра», -- дадала Патрыцыя.

Паводле БЕЛТА,

(ils)