2 студзеня дабрачыннае каталіцкае таварыства «Caritas» Віцебскай дыяцэзіі арганізавала калядную сустрэчу для дзяцей са шматдзетных сем’яў, прыёмных дзяцей, дзяцей-сірот.

Валанцёры віцебскага «Caritas» дапамаглі арганізаваць цікавую і незабыўную сустрэчу. Дзяцей чакалі на свяце займальныя конкурсы, віктарыны і, безумоўна, салодкія пачастункі.

Сустрэча праходзіла ў вясёлай, святочнай атмасферы. Радаваліся дзеці, а разам з імі іх бацькі.

Такія калядныя сустрэчы былі праведзены ў парафіях у Браславе, Глыбокім, Лынтупах.

Віцебскі «Caritas» шчыра ўдзячны за матэрыяльную падтрымку «Caritas» Прагі і валанцёрам, дзякуючы якім і было магчымым гэтае дзіцячае свята.

Аліна Сарокіна, (AG)