Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У Год Божай Міласэрнасці «Карытас» у Беларусі звeрнe большую ўвагу людзей на міласэрнасць і любоў да бліжняга
Дабрачыннасць
14.01.2016 10:34

13 студзеня ў офісе Нацыянальнага «Карытас» прайшла першая ў гэтым годзе «Рада дырэктароў». На пасяджэнне сабраліся ўсе кіраўнікі дыяцэзіяльных аддзяленняў дабрачыннага каталіцкага таварыства. Кіраваў сустрэчай дырэктар «Карытас» у Беларусі кс. Віталій Дабраловіч.

Паколькі здаецца немагчымым добра і сумленна працаваць на карысць іншых людзей, самім не ўзбагачаючыся духоўна і не давяраючы ўсе цяжкасці і складанасці Богу, то «Рада дырэктароў» пачалася супольнай малітвай, падчас якой прысутныя даверылі Пану адзін аднаго і прасілі аб неабходных дарах Духа Святога на час сустрэчы, а таксама на ўсю далейшую дзейнасць арганізацыі.

Ва ўступным слове кс. Віталій Дабраловіч прывітаў усіх шчырай усмешкай і накіраваў некалькі словаў да сабраных наконт вартасці такіх пасяджэнняў.

На парадку дня стаяў шэраг пытанняў наконт мерапрыемстваў, маючых адбыцца ў бліжэйшы час. Асаблівым чынам дырэктары звярнулі ўвагу на дапамогу бедным у зімовы перыяд часу. Менавіта зараз у цэнтры «Карытас» звяртаецца шмат патрабучых.

Таксама важным момантам сустрэчы стала абмеркаванне стратэгічнага плана развіцця «Карытас», які на мінулай сустрэчы прапанаваў Сяргей Гоцін. Дырэктары вырашылі, што накірунак развіцця кожнага дыяцэзіяльнага і парафіяльнага аддзялення павінен непасрэдна спалучацца з мэтамі дзейнасці ўсёй арганізацыі.

Таксама былі запланаваны мерапрыемствы на «Дзень Карытас», які ў гэтым годзе прыпадае на 28 лютага.

У Надзвычайны Год Божай Міласэрнасці «Карытас» таксама жадае звярнуць яшчэ большую ўвагу людзей на міласэрнасць і любоў да бліжняга, бо менавіта яна павінна быць крыніцай радасці, супакою і згоды, дзякуючы якой іншыя могуць пастаянна сузіраць аблічча Божай міласэрнасці.

Паводле Сaritas.by

(MV)

 

Пры выкарыстанні матэрыялаў сайта спасылка на Catholic.By абавязкова.

Дабрачыннасць

17.10 18:02«Прыдумай налепку для свечкі»: «Карытас» Мінска-Магілёўскай архідыяцэзіі праводзіць конкурс на лепшы дызайн
07.10 16:45Валанцёры «Чыстага сэрца» прынялі ўдзел у запісе перадачы «Для тых, хто дома» на «Беларускім радыё»
01.10 15:11У Івянцы асвяцілі будынак парафіяльнага цэнтра «Карытас»
30.08 11:56«Карытас» правёў у Бабруйску акцыю «Дапаможам дзецям сабрацца ў школу»
24.08 15:55Дабрачыннае таварыства «Карытас» арганізавала для дзяцей адпачынак у Бельгіі
25.07 13:39Аршанскі мясакансервавы камбінат ахвяраваў дзіцячае харчаванне «Карытас» Мінска-Магілёўскай архідыяцэзіі
06.04 09:48Дзень «Caritas» Гродзенскай дыяцэзіі прайшоў у Астраўцы
06.04 09:15«Caritas» Мінска-Магілёўскай архідыяцэзіі завяршыў першы этап дабрачыннай акцыі «Святло Міласэрнасці»
28.03 15:27Дабрачынную акцыю арганізавала на Вялікдзень «Caritas» Віцебскай дыяцэзіі
05.03 17:19Валанцёры «Caritas» і «Віцебскія дзяўчаты» наведалі Віцебскі дом-інтэрнат для састарэлых і інвалідаў