25 снежня падчас пасяджэння Святога Сіноду Рускай Праваслаўнай Царквы ў Маскве пад кіраўніцтвам Патрыярха Маскоўскага і ўсяе Русі Кірыла было пастаноўлена задаволіць прашэнне Патрыяршага Экзарха ўсяе Беларусі Мітрапаліта Мінскага і Слуцкага Філарэта аб яго адыходзе на пенсію ў сувязі з дасягненнем 75-гадовага ўзросту.

Сінод выказаў сардэчную падзяку Мітрапаліту Філарэту за 35-гадовае архіпастырскае служэнне ў Беларусі. Вырашана таксама прызначыць Мітрапаліта ганаровым Патрыяршым Экзархам усяе Беларусі, захаваўшы за ім права ўдзелу ў працы Святога Сіноду і ганаровае пратакольнае месца падчас набажэнстваў і ў афіцыйных цырымоніях.

Па рашэнні Сіноду Мітрапалітам Мінскім і Слуцкім прызначаны Мітрапаліт Разанскі і Міхайлаўскі Павел.

Мітрапаліт Павел (Георгій Панамароў) нарадзіўся 19 лютага 1952 г. у Карагандзе ў сям'і рабочых. Скончыў Маскоўскую духоўную акадэмію, кандыдат багаслоўя.

Паводле афіцыйнага партала Беларускай Праваслаўнай Царквы

(AG)