У Оршы пройдзе фестываль «Беларусь Праваслаўная» і міжнародная навукова-практычная канферэнцыя «Куцеінскія чытанні-2014» на тэму «Куцеінскі манастыр: мінулае, сучаснасць, будучыня».

На фестывалі будзе працаваць некалькі выставак, у тым ліку экспазіцыя факсімільных выданняў выдавецтва Беларускага Экзархата; праваслаўная выстаўка-ярмарка, археалагічная выстаўка «Праваслаўныя старажытнасці Беларусі» і г.д.

Таксама запланаваны майстар-клас па мастацтве іконапісу, канцэрт духоўнай музыкі і царкоўных спеваў, адкрыццё памятнага знака ў гонар «Буквара» Спірыдона Собаля.

У міжнароднай канферэнцыі, прысвечанай Куцеінскаму манастыру, прымуць удзел гісторыкі, супрацоўнікі музеяў, краязнаўцы і кнігазнаўцы з Беларусі, Расіі і Польшчы.

Як перадае карэспандэнт БЕЛТА, Куцеінскі мужчынкі манастыр з’явіўся ў Оршы ў XVII стагоддзі. Пры ім была заснавана тыпаграфія. У 1631 годзе друкар Спірыдон Собаль выпусціў тут першы «Буквар» на беларускай мове.

(IL)