Як паведаміла прэс-служба Святога Пасаду, 6 верасня 2006 г. Святы Айцец Бэнэдыкт XVI прызначыў ХІІ Звычайны Сход Сіноду Біскупаў, які будзе прысвечаны тэме «Слова Божае ў жыцці і місіі Касцёла». Сінод будзе праходзіць у Ватыкане з 5 па 26 кастрычніка 2008 г.
12 снежня 2006 г. у Ватыкане было прадстаўлена пасланне Святога Айца Бэнэдыкта XVI на Сусветны дзень міру 1 студзеня 2007 г. У пасланні, якое называецца «Чалавечая асоба — сэрца міру» Святы Айцец падкрэслівае, што заданне кожнага хрысціяніна — «быць нястомным будаўніком міру і трывалым абаронцам годнасці чалавечай асобы і яе неад’емных правоў».
Штодзённая ватыканская газета L’Osservatore Romano у нумары ад 17 снежня 2006 г. крытыкуе спробы камерцыялізаваць свята Божага Нараджэння і зацерці яго рэлігійны характар.
У чацвер 14 снежня 2006 г. у Ватыкане адбылася сустрэча Святога Айца Бэнэдыкта XVI з архібіскупам Афінскім і ўсёй Элады Хрыстадулам, падчас якой іерархі падпісалі сумесную экуменічную дэкларацыю. Яшчэ да сустрэчы з Папам архібіскуп Хрыстадул заявіў, што ў справе дыялогу паміж каталікамі і праваслаўнымі «час не церпіць».
10 лістапада 2006 г. завяршыўся дыяцэзіяльны этап беатыфікацыйнага працэсу Слугі Божага Альбіно Лучані — Папы Яна Паўла І. Урачыстасць з гэтай нагоды адбылася ў катэдры горада Беллуно на поўначы Італіі.
9 лістапада 2006 г. Святы Айцец Бэнэдыкт XVI выступіў перад удзельнікамі пленарнага пасяджэння Папскага камітэту па падрыхтоўцы міжнародных Эўхарыстычных кангрэсаў. Між іншым Папа адзначыў, што сучаснаму чалавеку вельмі патрэбна нанава адкрыць у Эўхарыстыі крыніцу ўласнай надзеі.
7 лістапада 2006 г. у Ватыкане былі абвешчаны малітоўныя інтэнцыі Папы Бэнэдыкта XVI на бягучы месяц. Перш за ўсё, Святы Айцец заклікае ў лістападзе маліцца за тое, «каб ва ўсім свеце быў пакладзены канец усялякім формам тэрарызму».
4 лістапада 2006 г. Святы Айцец Бэнэдыкт XVI разам з Калегіяй кардыналаў цэлебраваў святую Імшу за супакой душаў памерлых за апошні год кардыналаў і біскупаў. За апошнія 12 месяцаў адышлі ў вечнасць 8 кардыналаў і 118 біскупаў з розных краінаў свету.
Дзейнасць Фонда Яна Паўла ІІ не абмяжоўваеццца ўжо толькі архівістыкай і навуковымі даследваннямі, але закранае таямніцу святасці Слугі Божага. На гэта звярнуў увагу Бэнэдыкт XVI 23 кастрычніка 2006 г. падчас сустрэчы ў Ватыкане з 800 пілігрымамі, якія прыбылі з усяго свету на ўрачыстасць святкавання 25-годдзя дзейнасці Фонду.
Як паведаміла прэс-служба Святога Пасаду, 6 верасня 2006 г. Святы Айцец Бэнэдыкт XVI прызначыў ХІІ Звычайны Сход Сіноду Біскупаў, які будзе прысвечаны тэме «Слова Божае ў жыцці і місіі Касцёла». Сінод будзе праходзіць у Ватыкане з 5 па 26 кастрычніка 2008 г.
У панядзелак 25 верасня 2006 г. Святы Айцец Бэнэдыкт XVI прыме ў сваёй рэзідэнцыі ў Кастэль Гандольфа дыпламатычных прадстаўнікоў некалькіх ісламскіх дзяржаваў, сярод якіх паслы Ірана, Турцыі і Марока.
Сустрэча арганізавана з мэтаю наладзіць дыялог паміж Касцёлам і ісламскім светам, а таксама паставіць кропку ў канфлікце, прычынаю якога сталі выказванні Папы пра іслам падчас лекцыі ў рэгенсбургскім універсітэце.
3 жніўня 2006 г., у Ватыкане, ва ўзросце 76 гадоў, памёр Габрыэль Мантальво, першы Апостальскі Нунцый у Беларусі.
Калумбіец па нацыянальнасці, арцыбіскуп Мантальво доўгія гады працаваў у Дзяржаўным сакратарыяце Апостальскай Сталіцы, дзе займаўся справамі Касцёла ва Усходняй Еўропе, у тым ліку і ў Беларусі.
У 1993 г. арцыбіскуп Г. Мантальво быў прызначаны Папам Янам Паўлам ІІ першым Апостальскім Нунцыем у Беларусі і выконваў свае абавязкі да 1996 г.
Ватыканскае радыё